Monday, March 25, 2013

Fakte Rexha: YJEVE TE PASHUAR



 
DRITE, YJEVE TE PASHUAR

(Vellait tim, Urim Rexha. Dhe, gjithe te Tjereve.
qe s'vdiqen. Jo. Kurre me te vertete)


Kurre s'me harrohet krenaria yte. Gazi i paket. I vogel.
Varur skaj buze.
Fytyres te kishte rene njefare nuri i bukur i tjeterbotshem.
Fillim shkurti1999. Me kurre su pame.
As folem. As u degjuam.
Porosirat me kasnece jepnim e merrnim.
Deri dite para se te shkulen nga jeta, vella.
Me ç'ideale, me ç'shpresa ushqeje shpirtin... oh, kur me kujtohet!
Dhe, asgje ndodhi prej atehere...Kosoves. Pamja e zymte ne te perhirte.
Ashper e zymte si ngjyra e betonit. Si ta kishte pikturuar dora e atij
qe çdo mbremje ngreh gishtin kah vetja me paramendimin per vetevrasje.
Asnje ndryshim Kosoves. Ende prej atehere sa ishim gjalle te gjithe.
Ende lufta. Per drite. Buke. Pune. Pensione. Ilaqe qe premtojne harresen.
Spitale per invalide. Krevate per shpirterat e thyer.
Gjysma e me teper shqiptare me frike ushqen te nesermet.
Mbi Hirin. Dryrin. Myshkun. E atyre qe rane.
Dogjen.  I vrane. E kurre nuk vdiqen.
Jo, kurre me te vertete.

Friday, March 8, 2013

Klarita Selmani: E SHTRENJTA URTESIA IME


E SHTRENJTA URTESIA IME

E dhëmbura ime ndër vite,
qofsh mirë këtë mëngjes
rrudhë, çdo çast që rritesh
ditën, të të shoh mezi pres.

E duruara pa kusht e doganë
sa larg të kam e s'të shoh
përtej detit, ikur matanë
humbur të kam nëpër kohë.

E mira ime, shpejt mu plake
e unë bija jote s'jam më vashë
por ti, zemër të fortë paske
kaq humbje dhe ndarje të mbash.

E shtrenjta urtësia ime
ky mall, s'shuhet me asgjë
qesh e të ankohem në kujtime
pa to, kjo botë nuk me nxë.

Uratë pa fund e jetës sime
të kërkoj cdo mëngjes
tëndit zë t'i dëgjoj drithërimën
erërat, buzë Egjeut pres.




Marrë nga "Sofra poetike" në FB
08.03.2013

Thursday, March 7, 2013

Seveme Fetiqi: LULE PËR NËNËN

 
LULE PËR TY
-Nënës sime-

Në lule të blerta
ngjyrat e dashurisë sime
shpërthyen
në zemrën tënde
pranverat e humbura
desha t’i kthej
në shpresë të kamotshme

Pafajësia e fëmijërisë sime
lozi me shpirtin tënd të etur
përkëdheljet e tua
u zbehën në largim
mbi qepallat e rinisë sime
më nuk lulëzon asnjë kthim

Lulet e blerta i vura në mur
në hijen e fotografisë së heshtur
fjalën tënde të ngrohtë
duke kërkuar
që të lulëzojnë
sytë e tu të ujiten me shikimin tënd
duart e tua që t’ia gjej vetes
shpëtimin nga humnera e vetmisë
 
 
Marrë nga "Sofra poetike" në FB

TRI POEZI NGA BRAHIM AVDYLI



SOFRA JONË

Sa bukur jemi mbledhur
rreth zjarrit të fjalës
në këtë natë,

zhishkë pas zhishke
këngë pas kënge
lidhni të gjitha hallkat e dashurisë

e plafin e errësirës
si dora perden
Rrezja
ka për të mbledhur-

sapo të fekset në zemra
Agu i Përjetshëm!


Prishtinë, 1986.





MBIJETESA E VARGJEVE

Më të bukurat
humbën nëpër ndjekje-
bukurinë ua vodhën lubitë!

Më të zjarrtat
s’munda t’i mbaj-
zjarri i tyre përvëllonte kohërat!

Më të shtrenjat
si t’i nxjerr nuk pata-
bota qe mbushur plot kusarë!

Megjithate,
me ngjyrën e shpirtit
nëpër fletë gjurmët i lashë-

që të mos na shuhet Emri!...





PËRTEJ AKERONTIT


E tërë jeta ime dënimit i ngjanë-
pranë syve kalon gëzimi dhe s`e mbërrij,
pranë gojës kalon jeta dhe s`e shijoj,
përpara shëtit e vërteta dhe s`më njeh,
anash gjallëron bota dhe s`më sheh,
prapa kurrizit bie fati, dhe s`më merr...

E tërë jeta ime një tmerri i ngjanë,
edhe pse kështu nuk vendosën hyjnitë
se vetë më dhanë ata brumin e zemrës,
demonët më vodhën një ditë pabesisht
e më shpien të lidhur përtej Akerontit...

Më lanë përherë në një vorbull deti-
as i mbytur isha, as i shpëtuar;
më lanë të vetmuar në një maje mali-
plot thirrje kisha, por i padëgjuar;
më mbyllën thellë në një shpellë guri-
pranë e kam zjarrin e dridhem vazhdimisht

i syrgjynuar së gjalli, ja kështu, në ferr-
shpirtin plot dritë e përrreth vetëm terr!



Marrë nga www.brahimavdyli.ch

Sunday, March 3, 2013

NJOFTIM NGA GRIGOR JOVANI



 Në mirëkuptim me mikun tim të dashur, Haxhi Muhaxherin, themeluesin dhe ideatorin e Sofrës Poetike, kësaj vatre të ngrohtë krijuesish të pasionuar me Poezinë, pas një periudhe jo të shkurtër në krye të Stafit që drejtonte mbarëvajtjen e punës në të, vendosa të jap dorëheqjen nga detyra e Kryeredaktorit, për shkak të rëndimit të shëndetit tim, si pasojë e aksidentit, që më ndodhi përpara disa ditësh.
Do të desha të falenderoja gjithë kolegët e Sofrës Poetike për bashkëpunimin, t’i kërkoja sinqerisht ndjesë ndonjërit prej miqve, që mbase e kam rënduar me gjykimet dhe komentet e mia dhe t’u uroja të gjithëve nga zemmra shëndet dhe suksese të mëtejshme në këtë pasion të fismë, që kanë zgjedhur.
Do të desha të uroja, njëkohësisht, Kryeredaktoren e re, poeten e talentuar Klarita Selmani, e cila këtej e tutje do të kryesojë Redaksinë e Sofrës poetike dhe ta siguroj, që mbështetja ime modeste vetëkupotohet. 


 Me nderime për të gjithë ju,
GRIGOR JOVANI


03.03.2013

FALENDERIM PER Z. GRIGOR JOVANI

Per kontributin e dhene si kryeredaktor ne  „Sofra poetike“

 Poeti, kritiku, publicisti dhe miku yne i nderuar z. Grigor Jovani per disa vite radhazi e ka dhene kontibutin e tij te vleshem ne „Sofra poetike“, duke publikuar krijimetbe tij, duke komentuar krijimetbe kolegeve te vet dhe duke dhene keshilla per krijuesit e rinj dhe per mbarevajtjen e kesaj faqeje.  G. Jovani, perkunder angazhimeve tjera te shumet, gjithmone gjente kohe edhe per sofren tone. Fale kesaj, une mora guximin dhe i kerkova mikut tim qe ta themelonte Redaksine e Sofres me kusht qe aai te jete ne krye te saj. Pranoj. Jo se kishte nevoje te vihej ne krye te nje faqeje interneti, por nga dashuria dhe repekti qe kishte per koleget e vet krijues dhe nga vullneti i mire per ta dhene kontributin e vet ne sofren e poezise.

Keshtu, Grigor Jovani iu pervish menjehere punes dhe e themeloj Redaksine me emra te bashkepunetoreve te tij qe i benin nder edhe sofres. Filloj komunikimin profesional me publikuesit dhe anetaret e sofres. Angazhoj edhe anetaret tjere te redaksise qe ti percillnin publikimit qe beheshin ne sofer dhe here pas here te jepnin keshillat e tyre. Kjo i duhej sofres dhe kesisoj, faqja filloj ta marre te mbaren. Sofres iu bashkuan mbi 4000 krijues dhe lexues nga e gjithe hapsira shqiptare dhe nga mergata.

Dhe, pas nje pune bukur te gjate e shume te sukseshme ne sofer, ngjane nje dite qe miku yne ta kete nje aksident nga i cili i komplikohet edhe shendeti. Pasi e merr veten pak, me shkruan:

„I dashur Haxhi!

Lus Zotin të jesh mirë, me shëndet, me punët e tua dhe me hare familjare. U bë ca kohë që nuk kemi komunikuar, por unë të ndjej pranë, mik i dashur, me gjithë fisnikërinë dhe besën tënde të pashembullt shoqërore. Kohët e fundit kam pasur një aksident paksa të rëndë, shpëtova për fat dhe e gjithë kjo gjendje ka komplikuar shëndetin tim të rënduar edhe pa këtë fatkeqësi. Kësisoj, mik i dashur, më duhet detyrimisht të bëj çdo përpjekje për një jetë paksa më të liruar nga detyrimet. Kështu është gjendja, Bacë, dhe unë jam i detyruar të të kërkoj një nder: të më lirosh nga detyrimi i Kryeredaktorit të Sofrës, nga ky nder me të cilin ti kurorëzove miqësinë tonë. E kam obligim shpirtëror, të mos jem diku, ku nuk mund të jap kontributin tim. Kam besim të plotë, se ti do më kuptosh dhe miqësia jonë do të vazhdojë si përherë. Pres të më diktosh mënyrën, se si do të bëhet dorëzimi i detyrës sime në Sofër.

Përqafime vëllazërore,
Grigori“
 
E kuptova gjendejen e mikut tim te shtrenjte. Pasi i urova sherim sa me te shpejt, i propozova qe Redaksia te ciln ai e ka themeluar ta bej perzgjedhjen e kryeredaktorit te ri. Ai perkunder problemeve shendetesore qe kishte, e pranoj propozimin tim dhe pas nje kohe te shkurter me njofton se redaksia e kishte propozuar per kryeredaktore poeten Klarita Selmani. E falenderova mikun Grigor Jovani dhe vertete u gezova. U gezova, sepse e kisha lexuar poezine e krijueses Klatrita Selmani dhe isha bindur se kemi te bejme me nje poete te vyer qe e donte letersine dhe se procesin e krijimit e dinte si te shenjte.
Ndaj, s’me mbetei tjeter, veçse mikun tim dhe kreredaktorin e deritashem z Grigor Jovani ta falenderoja nga zemra per punen dhe kontributin e çmueshem ne „Sofra poetike“, duke i uruar njekohesisht edhe sherim sa me te shpejt. Kurse, kryeredaktores se re – suksese!
Per „Sofra poetike“, themeluesi:
Haxhi Muhaxheri
03.03.2013
_______________