|
Mikel Gojani |
ORA
Dikush -
Nuk i dëgjon
Mesazhet që përçon
Ora e kohës.
Nuk i dëgjon,
Ritmet e saj,
Sepse
Jetën e bën
Në margjina të kohës.
Ora -
Është busulla më e drejtë
Dhe më a pagabuar
E orientimit shpirtëror.
Ka mbërritur koha
T’i dëgjojmë,
Ritmet e Orës që thërret:
Të dilet nga hijet!
Ora grish
Të mos qëndrohet në hije;
Ato të mbërthejnë,
Në errësirën skëterrë
Të thellësisë pafund...
ORA GRISH...!
Tetor 2019
|
Fadil Halimi |
VIT I JASHTËZAKONSHËM 1989
Beso
Kur e gjithë bota ka me t’harrue
Unë deri t’vdes kam me t’kujtue
Mos harro
Ishte vit i jashtëzakonshëm 1989
qyteti u ba vërdallë
Shiu as loti s’u ndal
Beso
At’ vit gjethet u thanë
Bylbylat u vranë
Lejlekët nga atdheu u ndanë
Mos harro
At’ vit dielli perëndoi
qielli lotoi
Nana për të birin rënkoi
Beso
Ishte vit i jashtëzakonshëm
Me ty veç gazeta lexova
Liri e drejtësi kërkova
Beso
Kur e gjithë bota ka me t’harrue
Unë deri t’vdes kam me t’kujtue
5 Tetor, 2019