 |
| Haxhi Muhaxheri |
E MAGJISHMJA POEZI
Dritën ia vodha diellit
Hënës bukurinë
Fillikat i vetëm
Vrapova planeteve
E luftë ju shpalla Perëndive
Për vrimë të gjilpërës
E kalova detin
Linda e vdiqa
Disa herë për Ty
Po prapë e virgjër mbete
E loze me mua
Si me një fëmijë
Ti e dashura ime
E magjishmja poezi
21. 03. 2015
KUR MË RRËMBEN FJALA
Kur më rëmben fjala
Më vërshojnë gëzimet
Sikur të gjitha të dashurat
Ti kisha pranë
Kur fjala më çalon
Dehem e bëhëm tapë
Si ta kisha pirë
Verën e gjithë botës
Kur më buzëqesh fjala
Diellëzohem lartësohem
Si t'i kisha përmbysur
Të gjitha perandoritë
1996
POETI
Fle me të gjitha të dashurat
dhe zgjohet bashkë me diellin
Udhës së Qumshtit loz valle me yjet
Për vrimë të gjilpërës e kalon detin
në kërkim të fjalës së pathënë
Një këngë e re po vjen
2012
UNË DHE KËNGA
Do të varrosemi
kur të na lindin të vdekurit
për të lindur
kur të vdekurit të na varrosin
1995
Keine Kommentare:
Kommentar veröffentlichen