 |
| Naim Fetaj |
BELLEJA...*
Kaçakët dhe zogjtë e malit
I mbajti në bukë...
E buzët e veta i lagte me pambuk
Sa të madhe e pati atë sofër
Ai katundi i vogël
Të lashta i ka dhe këngët
Vajet e ninullat
Kurrë nuk shterrën gurrat
Kur pushkatohëshin burrat
As kur digjeshin kullat
Mes flake luluan lisat
E u burrëruan çunat...
Prenë magjeve plakat arnonin historinë
Dhe të çarat e qiellit
Me pelhurën e kuqe të syrit
Gacat e dhimbjës i fshehnin poshtë hirit
Kur e lëshuan fshatin njëherë
Në një kohë
Kur u vra lejleku...
Mollēt e mërdhira në rremb
I shkundi Salih Çeku....
* ( Belleja...fshat i lashtë malor në Grykën e Deçanit )
Keine Kommentare:
Kommentar veröffentlichen