Avdush Canaj: QYTETI IM

Avdush Canaj

QYTETI IM

Si lule tulipani
Qyteti im, Gjilani

Me djem si yje
E vajza këmishë jargavani
Qyteti im, Gjilani

Rritet si fëmijët
Ylberizohet përditë

Me dashuri sa oqeani
Gjilani im, Gjilani

Kur nata vjen
Me hënën shkëlqen
Ëndrra më sjell me tren
Nëpër fushë e det
Më i bukuri në planet.

Këtu ndodh magjia
Ylberi del edhe n`dimër
S`e palla për borën
Kurrë s`ia lëshoj dorën.