Muhamet Mavraj: HAJR KOFTË SHQIPNI

Muhamet Mavraj

HAJR KOFTË SHQIPNI

Të befasoi pak prita e parë
Se ajo ka thënë, jam e papritur
Kush ta dijë nëse është e fundit
Hajr koftë Shqipni

E një tjetër plot zemërim
përziu ngjyrat e pikturës
Bash në dritë të syrit
Hajr koftë Shqipni

U trishtove edhe pak e gjithnjë e më shumë e treta, e katërta
në tavanin tënd po luhatet Hana
Hajr koftë Shqipni

Tjetër yll të ra në det
tjetër termet poshtë shkallëve blegërin
1000 tjera si fëmijë i përkund në djep
Hajr koftë Shqipni

Gjeneratat ulërijnë në det, nën dysheme
Çka dëfton filxhani, çka po thotë shuplaka e të ngratit
Hajr koftë Shqipni

Shqipni
Ti kuti e ilaçeve të mia
Asnjë pritë më s'do të jetë e papritur

Hajr koftë Shqipni